صوفیہ(این این آئی )بلغاریہ کے حکام نے تین ایرانیوں کو جعلی دستاویزات پرسفر کرنے کے الزام میں گرفتار کرلیا ۔ ان کے قبضے سے اسرائیل کے جعلی پاسپورٹس اور دیگرسفری دستاویزات برآمد کی گئی ہیں۔بلغاریہ کے اخبارنے اپنی رپورٹ میں بتایا کہ تین ایرانی ترکی کی کابیتان انڈریوو گذرگاہ سے بلغاریہ میں داخل ہونے کی کوشش کررہے تھے۔بلغاریہ میں گرفتار ہونے والے تین ایرانیوں کی عمریں 21،28 اور 32 سال ہیں۔ انہیں ایک ہفتہ قبل گرفتار کیا گیا تھا اور ان سے تیزی کے ساتھ تفتیش کی

گئی ہے۔ایک ایرانی اسماعیل کاظم حسینی تقوی کو اسرائیلی پاسپورٹ پرسفر کرنے کے الزام میں کھٹمنڈو سے بھارت جاتے ہوئے ایندرا گاندھی ہوائی اڈے پر گرفتار کیا گیا تھا جسے بعد ازاں دوبارہ کھٹمنڈو بھیج دیا گیا۔ حسینی تقی کا کہنا تھا کہ وہ اسرائیلی پاسپورٹ پر آسانی کے ساتھ یورپی ملکوں کا سفر کرسکتے ہیں۔ ان کا کہنا تھا کہ یہ پاسپورٹ جعلی طریقے سے اسرائیل میں تیار کیے جاتے ہیں۔خیال رہے کہ ایرانیوں کا اسرائیل کے جعلی پاسپورٹ پس سفرنئی بات نہیں۔ اس طرح کے کئی واقعات سامنے آچکے ہیں۔