برلن(آئی این پی)جرمن چانسلر اینجلا مرکل نے پارٹی قیادت چھوڑنے کا اعلان کردیا ہے۔ان کا کہناہے کہ علاقائی انتخابات میں شکست کے بعد وہ آئندہ مدت کیلئے چانسلر کی امیدوار بھی نہیں بنیں گی۔جرمن چانسلرنے کرسچن پارٹی سی ڈی یو کی قیادت چھوڑنے کا اعلان دارالحکومت برلن میں ایک
پریس کانفرنس کے دوران کیا۔انہوں نے کہاکہ علاقائی انتخابات میں سی ڈی یو مزید نشستیں کھوبیھٹی ہے۔ عوامی اعتماد کھونے پر انہیں اقتدار میں رہنے کا کوئی حق نہیں ہے۔ اینجلا مرکل نے اعلان کیا کہ وہ آئندہ انتخابات میں چانسلر کی امیدوار بھی نہیں بنیں گی۔ ان کی رواں مدت2021میں ختم ہوگی۔
