واشنگٹن (این این آئی)امریکی وزیر دفاع جیمز میٹس نے کہا ہے کہ قندھار پر ہونے والا حملہ افغانستان سے متعلق امریکی ارادے پر اثر انداز نہیں ہوگا۔افغانستان کے صوبے قندھار میں گزشتہ روز ہونے والے حملے کے حوالے سے امریکی وزیر دفاع جیمز میٹس کا بیان سامنے آیا ۔امریکی وزیر دفاع نے کہا کہ امریکہ افغانستان میں لوگوں
کے دفاع کا کام جاری رکھے گا، واضح نہیں کہ قندھار حملہ افغانستان کے الیکشن میں ووٹنگ ٹرن آؤٹ پر کتنا اثر ڈالے گا۔جیمز میٹس نے کہا کہ قندھار میں ہونے والی دہشت گردی کے چھوٹے پیمانے پر اثرات ہوسکتے ہیں۔یاد رہے کہ گزشتہ روز افغان صوبے قندھار کے گورنرکے کمپاؤنڈ میں فائرنگ سے گور نر ٗپولیس چیف، خفیہ ایجنسی کا مقامی سربراہ اور ایک صحافی ہلاک ہوگیا تھا۔
