اسلام آباد(مانیٹرنگ ڈیسک)چین عالمی تسلط قائم کرنے یا امریکہ کی جگہ نہیں لینے جا رہا، یہ سنگین غلطی اور امریکی مفادات کو شدید نقصان پہنچائے گی، چینی وزیر خارجہ۔ تفصیلات کے مطابق چینی وزیر خارجہ وانگ ای نے اقوام متحدہ کی جنرل اسمبلی اجلاس سکی سائیڈ لائنز پر کونسل آن فارن ریلیشنز میں خطاب کرتے ہوئے کہا ہے کہ پچھلے چند سو برسوں کے دوران مغرب میں ہوتا یہ رہا ہے کہ جو ملک مضبوط ہو جاتا ہے وہ دوسرے ملکوں پر تسلط جمانے کی کوشش کرتا ہے، اب امریکی دوست
یہ سمجھتے ہیں کہ چین بھی ایسا ہی کرے گا، وہ امریکی طاقت کو ہٹا دے گا یا اسے چیلنج ضرور کرے گا۔انہوں نے کہا کہ واضح کرنا چاہتا ہوں کہ یہ نظریہ ایک سنگین اسٹریٹیجک غلطی ہے، یہ گمراہ کن اندازہ امریکی مفادات اور امریکا کے مستقبل کے لیے انتہائی نقصان دہ ہوگا۔چینی وزیرخارجہ نے کہا کہ افسوس ہے کہ یہ خودساختہ اندیشہ پھیل رہا ہے اور اسے طول بھی دیا گیا ہے، اس سے نئے شکوک و شبہات جنم لے سکتے ہیں اور اہم مسائل کے حل میں مزید مشکلات پیدا ہو سکتی ہیں۔
