واشنگٹن(آئی این پی) پادری کے معاملہ پر امریکا اور ترکی مابین کشیدگی میں روز بروز اضافہ ہو رہا ہے، اس ضمن میں امریکی صدر ڈونلڈ ٹرمپ نے کہا ہے کہ پادری کی رہائی کے عوض ترکی کو کچھ نہیں دیا جائے گا،ترکی اپنے انکار پر مضر رہتا ہے توق اسکا گلا گھونٹ دیا جائے گا، مقید پادری عظیم امریکا کا با عزت شہری ہے۔

بین الاقوامی میڈیا کے مطابق ترکی اورامریکا کے درمیان پادری کے معاملے پرکشیدگی روز بہ روز بڑھتی جا رہی ہے۔ اسی کشیدگی کے جلو میں امریکی صدر ڈونلڈ ٹرمپ نے کہا ہے کہ ترکی میں قید پادری کی رہائی کے بدلے میں انقرہ کو کچھ نہیں دیا جائے گا۔ اگر ترکی نے مطالبات نہ مانے تو اس کا گلا مزید گھونٹ دیں گے۔ ڈونلڈ ٹرمپ کا کہنا تھا کہ ترکی کی حکومت کو زیر حراست پادری انڈرو برانسن کو ہرصورت میں رہا کرنا ہوگا۔ انہوں نے پادری کو وطن عظیم کا قیدی قرار دیا۔مائیکرو بلاگنگ ویب سائیٹ ٹوئٹر پر پوسٹ کردہ بیان میں صدر ٹرمپ نے ٹویٹس میں لکھا کہ ہم پادری کی بریت اور اس کی رہائی کے بدلے ترکی کو کچھ نہیں دیں گے مگر ہم اس کا گلا گھونٹ دیں گے۔خیال رہے کہ امریکی وزیرخزانہ اسٹیفن منوچین نے انقرہ میں دہشت گردی کے الزام میں امریکی پادری کی رہائی سے انکار پر ترکی پرمزید پابندیاں عاید کرنے کی دھمکی دی۔وائیٹ ہاس میں ایک تقریب سے خطاب میں انہوں نے کہا کہ ہم نے ترکی کی حکومت کے بعض وزرا پر پابندیاں عاید کی ہیں۔ اگر انقرہ میں قید امریکی پادری کو رہا نہیں کیا جاتا تو ہم ترکی کے خلاف مزید اقدامات کریں گے۔خیال رہے کہ ترکی اور امریکا کے درمیان وجہ نزاع بننے والے پادری برانسن کو اکتوبر 2016 کو دہشت گردانہ سرگرمیوں اور ترکی کے خلاف جاسوسی میں ملوث ہونے کے الزامات کے تحت حراست میں لیا گیا تھا۔ برانسن کئی سال سے ترکی میں مقیم ہیں مگر ان کا تعلق امریکا کی شمالی کیرولینا ریاست سے ہے۔