بیجنگ (آئی این پی /شِنہوا)چین کے ساتھ مسلسل تجارتی تنازعے کے باعث امریکہ کا خیال ہے کہ وہ چین کو نقصان پہنچا سکتا ہے لیکن درحیقیقت وہ یہ بازی ہار رہا ہے،امریکہ بہت بھاری پتھر اٹھا رہا ہے،جس سے بلا آخر اس کے اپنے پائوں کچلے جائیں گے،چین نے مسلسل یہ واضح کیا ہے کہ وہ ایسے کسی دبائو کے سامنے نہیں جھکے گا اس نے امریکہ پر زور دیا ہے کہ وہ تجارتی تحفظ اور یکطرفہ نظام پر عمل پیرا نہ ہو،کیونکہ یہ چین اور بین الاقوامی برادری کیخلاف ہے،ان خیالات کا اظہار چین کے معروف اخبار

چائنہ ڈیلی نے اپنے اداریے میں کیا ہے،اخبار لکھتا ہے کہ امریکہ نے چینی مصنوعات پر درآمدی ڈیوٹی عائد کر کے مناسب اقدام نہیں کیا،اس سے تجارتی جنگ کا آغاز ہو گیا ہے،چین دنیا کی دوسری بڑی معیشت ہے اور وہ امریکی اقدامات کا مقابلہ کرنے کی صلاحیت رکھتی ہے،ٹرمپ انتظامیہ کی طرف سے اعلان کردہ درآمدی ڈیوٹی کا مقصد چین کو سزا دینا محسوس ہوتا ہے،تاہم یہ غیر منصفانہ تجارتی رویہ ہے،امریکہ کی طرف سے یکطرفہ اور تجارتی تحفظ کا معاملہ ہے،جو عالمی تجارتی قوانین کیلئے چیلنج کی حیثیت رکھتا ہے۔