جمعہ‬‮ ، 04 اپریل‬‮ 2025 

حکمرانی قومی ہو یا عالمی اسکا ہدف عوامی مفادات ہونا چاہیے، چینی صدر

datetime 9  اپریل‬‮  2018
ہمارا واٹس ایپ چینل جوائن کریں

بیجنگ (آ ئی این پی ) چینی صدر شی جن پنگ نے کہا ہے کہ حکمرانی قومی ہو یا عالمی ان کا ہدف عوامی مفادات ہونا چاہیے، ترقی کی طاقت اصلاحات اور تخلیق میں مل سکتی ہے، ہم عوامی مفادات اور عالمی خوشحالی کے لئے بھرپور کوشش کررہے ہیں، بین الاقوامی براداری کے مسائل حل کرنے میں حکمرانی کا کا کردار اہم ہے ۔ چائنہ ریڈیو انٹرنیشنل کے مطابق بائو و ایشیائی فورم میں شرکت کے لئے آئے ہوئے اقوام متحدہ کے سیکرٹری جنرل انتونیو گوتریز نے بیجنگ کے عظیم عوامی ہال میں چین کے صدر مملکت شی جن پنگ سے ملاقات کی۔

اس موقع پر شی جن پنگ نے دو ہزار اٹھارہ بائو ایشیائی فورم کے سالانہ اجلاس میں شرکت کے لئے اقوام متحدہ کے سیکٹری جنرل کو خوش آمدید کہا۔انہوں نے پر زور الفاظ میں کہا کہ اقوام متحدہ کے کردار کی حمایت کرنا اور اقوام متحدہ کی اتھارٹی اور حیثیت کا تحفظ کرنا چین کی بنیادی سفارتی پالیسیوں میں سے ایک ہے۔ملاقات کے موقع پر شی جن پنگ نے کہا کہ بین الاقوامی براداری میں موجود مختلف مسائل کو حل کرنے میں حکمرانی کا نظام اور حکمرانی کی صلاحیت اہم کردار ادا کرتی ہے۔ہمیں عالمی حکمرانی کو بہتر بنانے کی کوشش کرنی چاہیئے۔ انہوں نے کہا کہ چاہے قومی حکمرانی ہو یا عالمی حکمرانی، ان کا ہدف عوامی مفادات ہونا چاہیے اور عوام کے اعتماد کو پختہ بنانا ہے، عوام کے لئے مستحکم توقع پیش کرنی چاہیے۔شی جن پنگ نے بتایا کہ ترقی کی طاقت ہمیں اصلاحات اور تخلیق میں مل سکتی ہے۔انہوں نے کہا کہ چینی کمیونسٹ پارٹی کی انیسویں قومی کانگریس اور دو اجلاسوں میں اصلاحات، کھلے پن اور تخلیق کو بڑی اہمیت دی گئی ہے ۔ چینی صدر نے کہا کہ ہم عوامی مفادات اور عالمی خوشحالی کے لئے بھرپور کوشش کررہے ہیں۔ملاقات کے موقع پر اقوام متحدہ کے سیکٹری جنرل انتونیو گوتریز نے شی جن پھنگ کو صدر مملکت منتخب ہونے پر مبارک باد دی۔انہوں نے چین کی اصلاحات و کھلی پالیس کے نفاذ کی چالیسویں سالگرہ کے موقع پر چین کے دورے اور بو آو ایشیائی فورم میں شرکت پر خوشی کا اظہار کیا۔انہوں نے کہا کہ انہیں یقین ہے کہ آئندہ بھی چین عالمی امور میں بہت اہم کردار ادا کرے گا۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…