انقرہ(این این آئی)روسی صدر ولادی میر پوتین نے کہا ہے کہ شام میں داعش تنظیم شکست سے دوچار ہوچکی ہے لیکن اس کے باوجود وہ اب بھی تباہی پھیلانے کی صلاحیت کی حامل ہے اور دنیا بھر کے ممالک میں حملے کرسکتی ہے۔غیرملکی خبررساں ادارے کے مطابق صدر پوتین نے انقرہ میں

ترک ٹی وی چینل سے گفتگومیں کہاکہ یہ ایک بیّن ثبوت ہے کہ موجودہ عسکری صورت حال کے باوجود یہ دہشت گرد گروپ تباہی پھیلانے کی نمایاں صلاحیت کا حامل ہے۔وہ اپنے جنگی حربوں کو فوری طور پر تبدیل کرسکتا ہے اور دنیا بھر کے ممالک اور خطوں میں حملوں کی صلاحیت رکھتا ہے۔