برلن/انقرہ(این این آئی)ترک حکومت نے جرمن چانسلر میرکل کی شامی علاقے عفرین میں ترک افواج کی کارروائیوں پر تنقید کو مسترد کر دیا ہے۔غیرملکی خبررساں ادارے کے مطابق ترک وزارت خارجہ کے جاری ہونے والے بیان کے مطابق میرکل کا بیان گمراہ کن اطلاعات پر مبنی ہے۔

اور اس کا حقیقت سے کوئی تعلق نہیں۔ اس بیان میں مزید کہا گیا کہ یہ بہت ہی عجیب سی بات ہے کہ کچھ اتحادی اس صورتحال کو دہشت گردوں کی نگاہوں سے دیکھ رہے ہیں۔ میرکل نے گزشتہ روز کہا تھا کہ سلامتی سے متعلق ترک تحفظات کے باوجود بھی شمالی شام میں ترک عسکری کارروائی ناقابل قبول ہے۔

موضوعات:جرمن چانسلر