ماسکو(این این آئی)روس نے کہاہے کہ برطانیہ کی جانب سے روسی سفارت کاروں کو جاسوس قرار دینے اور ملک بدری کا جلد جواب دیا جائے گا،غیرملکی خبررساں ادارے کے مطابق گزشتہ روز روسی وزارت خارجہ سے جاری بیان میں کہاگیاکہ دونوں ممالک کے د رمیان تعلقات میں پیدا ہونے والی حالیہ کشیدگی کے باعث روسی وزیر
خارجہ سرگئی لاروف کا طے شدہ دورہ برطانیہ بھی منسوخ کر دیا گیاہے۔بیان کے مطابق برطانیہ کی جانب سے روسی سفارت کاروں کو جاسوس قرار دینے اور ملک بدری کا جلد جواب دیا جائے گا،پچھلے دنوں ایک سابق روسی خفیہ ایجنٹ اور اس کی بیٹی پر برطانیہ میں اعصابی گیس کے حملے کے بعد روس برطانیہ تعلقات میں کشیدگی ہے۔
