ریاض \لندن(آن لائن)سعودی ولی عہد نے ملکہ برطانیہ اوروزیراعظم سے ملاقات کی۔جس میں سعودی عرب نے برطانیہ کو براہ راست سرمایہ کاری کا یقین دلایا ہے،دونوں ممالک میں سرمایہ کاری اور تجارت 90 ارب ڈالرز تک لیجانے پر اتفاق ہوا ہے۔برطانوی میڈیا رپورٹس کے مطابق جمعرات کو برطانوی اپوزیشن اور انسانی حقوق کارکنوں کی جانب سے محمد بن سلمان کی برطانیہ آمد پر احتجاج کیا گیا ۔

محمد بن سلمان سرمایہ کاری کی نوید لیے لندن پہنچے ہیں،ٹین ڈاؤننگ اسٹریٹ میں وزیراعظم ٹیریزا مے سے ملاقات کے بعد وفد کی سطح پر مذاکرات ہوئے،جس میں برطانیہ میں براہ راست سرمایہ کاری اور برطانوی کمپنیوں کو نیا بزنس ملنے کی باتیں ہوئیں۔جمعرات کو برطانوی وزیراعظم کی دفتر کی جانب سے جاری کردہ بیان میں کہا گیا کہ سعودیہ سے تعلقات یورپی یونین سے علیحدگی کے دور میں برطانوی معیشت کو مضبوطی فراہم کریں گے،محمد بن سلمان نے بکنگھم پیلس میں ملکہ برطانیہ سے بھی ملاقات کی۔میڈیا رپورٹس کے مطابق سعودی مہمانوں کیلئے دن کا کھانا ملکہ اور رات کا شہزادہ چارلز اور ولیم کیساتھ رکھا گیا ہے

موضوعات:سعودی ولی عہد،برطانوی وزیراعظم ،ملاقات