اسلام آباد(مانیٹرنگ ڈیسک)بالی ووڈ کی معروف اداکارہ سری دیوی کی استھیاں(چتا کی راکھ)سمندر میں بہادی گئی ہیں۔ سری دیوی دبئی کے ایک ہوٹل کے کمرے کے باتھ روم میں پانی سے بھرے باتھ ٹب میں مردہ پائی گئی تھیں ۔ سری دیوی کی پراسرار موت پر دبئی پولیس نے تحقیقات کا آغاز کرتے ہوئے ان کی لاش کا فرانزک اور پوسٹمارٹم ٹیسٹ کروایا تھا جس کے بعد موت کو حادثاتی قرار دیتے ہوئے ان کے ورثا کو لاش لے جانے کی اجازت دیدی گئی تھی۔ سری دیوی
کے آخری سفر کے دوران ان کے مداحوں کے علاوہ بالی ووڈ کی بڑی شخصیات نے شرکت کی تھی۔ ان کی چتا کو ان کے سوتیلے بیٹے ارجن کپور نے آگ لگائی جبکہ گزشتہ روز سری دیوی کی استھیاں(چتا کی راکھ)سمندر میں بہا دی گئی ہیں۔ اس موقع پر سری دیوی کی دونوں بیٹیاں جھانوی اور خوشی اپنے والد بونی کپور کے ہمراہ بمبئی کے ساحل پر مخصوص مقام پر گئیں اور مذہبی رہنما کی ہدایت کے مطابق سری دیوی کی استھیاں سمندر میں بہادی گئیں۔
