دبئی (مانیٹرنگ ڈیسک)یواے ای کے نائب صدر، وزیراعظم اور دبئی کے حکمران شیخ محمد بن راشد آل مکتوم نے ایک ایسی ملازمت کا اعلان کیا ہے جس کے لیے دیے جانے والے مشاہرے کی رقم پڑھ کر آپ کو یقین ہی نہیں آئیگا، جی ہاں اس ملازمت کی تنخواہ دس لاکھ اماراتی درہم ہے۔عرب میڈیا کے مطابق شیخ محمد بن راشد آل مکتوم کا کہنا ہے کہ 2018 میں ’’امید ساز‘‘ کے منصب پر کام کرنے کے لیے امیدوار

کو عرب شہریت کا حامل ہونا چاہیے۔امیدوار کے لیے عمر کی کوئی قید نہیں تاہم اس کے پاس سماجی خدمت کے میدان میں کام کرنے کا تجربہ ہونا چاہیے۔ امیدوار زندگی کے حوالے سے مثبت ویژن کا حامل ہو اور اسے درد مندی اور خدا ترسی کی زبان پر عبور حاصل ہو۔مذکورہ اسامی کا اعلان ’’امید سازوں‘‘ کے اس منصوبے کے ضمن میں کیا گیا ہے جس کا آغاز گزشتہ برس شیخ محمد کی جانب سے کیا گیا تھا۔