منیلا(آئی این پی)فلپائنی ملازمہ کے قتل کے الزام میں لبنانی باشندے کو گرفتار کرلیا گیا۔غیر ملکی میڈیا کے مطابق فلپائن کی حکومت کا کہنا ہے کہ کویت میں بطور ملازمہ کام کرنے والی فلپائنی خاتون جوآنا ڈیما فیلِس کے قتل کے الزام میں ایک لبنانی باشندے کو گرفتار کر لیا گیا ہے۔ اس خاتون کی لاش رواں ماہ کے شروع میں
ایک فریزر سے ملی تھی۔ یہ خاتون ایک سال سے بھی زائد عرصے سے لاپتہ تھیں۔ نادر اعصام اسف نامی مشتبہ ملزم کو لبنان میں گرفتار کیا گیا۔ فلپائنی وزارت داخلہ نے ایک بیان میں کہا ہے کہ اس گرفتاری کے حوالے سے کویتی حکومت نے اپنے ملک میں منیلا کے سفارت خانے کو باقاعدہ طور پر آگاہ کر دیا ہے۔