واشنگٹن(این این آئی)شام کے تنازع کو زیر غور لانے کے لیے اقوام متحدہ کی سلامتی کونسل کا اجلاس ہوا، ایسے میں جب ملک میں کیمیائی ہتھیاروں کے ممکنہ استعمال کی نئی رپورٹیں نمودار ہوئی ہیں۔میڈیارپورٹس کے مطابق امریکی سفیر نکی ہیلی نے کونسل کے ارکان کو بتایا کہ ہمارے پاس ایسی رپورٹیں موجود ہیں کہ اسد ی حکومت نے حالیہ ہفتوں کے دوران اپنے ہی عوام کے خلاف کلورین گیس استعمال کی، کَل بھی ایسا کیا گیا۔
انہوں نے کہاکہ درجنوں متاثرین نے اِس بات کا ثبوت پیش کیا ہے۔شام میں طبی گروپ اور امدادی کارکنان نے رپورٹیں دی ہیں کہ متعدد شہریوں کے جسم پر کلورین گیس کے نشانات دیکھے گئے ہیں، جن میں سانس لینے میں دقت اور کپڑوں سے کلورین گیس کی بو شامل ہے، جس سے قبل رات گئے صوبہ ادلب کے سراقب قصبے پر کیمیائی گیس کے حملے کی رپورٹیں موصول ہوئی تھیں۔
