کراچی (این این آئی ) سلطنت عمان کی قومی ایئرلائن کمپنی عمان ایئر نے “دنیا کی بہترین اکانومی کلاس” کے ساتھ “دنیا کی بہترین ہاسپٹیلٹی سروس”کا اعزاز بھی اپنے نام کرلیا ، عمان ایئرکو ان دونوں اعزازسے گزشتہ ہفتے ویتنام میں منعقدہ “دی ورلڈ ٹریول ایوارڈ”کی تقریب میں نوازہ گیا۔

عمان ایئر کی جانب سے یہ دونوں ایوارڈ تقریب میں موجود عمان ایئر کے قائم مقام ریجنل وائس پریزیڈنٹ برائے مشرق بعید حما د الہرتھی نے وصول کیے ، سال2017عمان ایئر کے لیے خوش بختی کا سال واقع ہوا ہے، اس سال کے دوران میں عمان ایئر کو ورلڈ ٹریول ایوارڈ سمیت دنیا کی نامور اور معروف آرگنائزیشنز نے مختلف تعریفی اسناد اور اعزازات سے نوازہ ہے، اور عمان ایئر کو دنیا کی بہترین ایئرلائن کے طور پر تسلیم کیا ہے۔ رواں سال کے دوران ہی عمان ایئرکو ورلڈ ٹریول ایوارڈز 2017برائے مشرق وسطیٰ میں مشرق وسطیٰ کی نمایاں بزنس کلاس، اور مڈل ایسٹ کی بہترین اکانومی کلاس ایئرلائن کے ناموں سے نوازہ گیا ہے۔اس موقع پر عمان ایئر کے قائم مقام چیف ایگزیکٹو آفیسر عبد العزیز الرئیسی کا کہنا تھا کہ عمان ایئر کے لیے سال کے اختتام پر اس سے بہترین تحفہ نہیں ہوسکتا کہ ورلڈ ٹریول ایوارڈز میں چار مختلف اعزازات سمیت دیگر ایوارڈز سے نوازہ جائے، کمپنی کو یہ ایوارڈز ٹریول انڈسٹری میں اعلیٰ معیار کی خدمات اور پراڈکٹس پیش کرنے پر دیئے گئے ہیں، یہی وجہ ہے کہ صارفین عمان ایئر کو بہترین خدمات کے ساتھ اعلیٰ و معیاری پراڈکٹس فراہم کرنے والی ایئرلائن کے طور پر یاد رکھتے ہیں، جو کہ ہماری کامیابی کا منہ بولتا ثبوت ہے۔