اسلام آباد(مانیٹرنگ ڈیسک)افغانستان، پاکستان کی نو آبادی نہیں، جو چیز ہمارے مفاد میں ہوئی ہم کرینگے، ترجمان افغان وزیر دفاع کا پاکستان کی جانب سے بھارت اور افغانستان کے مابین بڑھتے ہوئے غیر معمولی تعاون پر تحفظات کے اظہار پر ردعمل ۔ تفصیلات کے مطابق افغان وزیر دفاع کے ترجمان نے اپنے ایک بیان میں سخت بیان دیتے ہوئے کہاہے کہ افغانستان، پاکستان کی نو آبادی نہیں، افغانستان ہر وہ کام کرے گا جس کو وہ اپنے مفاد میں بہتر
سمجھتا ہے۔ واضح رہے کہ یہ بیان ایسے وقت میں سامنے آیا جب 35افغان فوجی خواتین کا ایک دستہ تربیت کیلئے بھارت پہنچ چکا ہے ، افغان فوجی خواتین کے اس دستے کا تعلق بری، فضائی فوج اور افغان وزارت دفاع سے ہے۔فغان وزیر دفاع کے ترجمان نے افغان فوجی خواتین کی بھارت میں تربیت سے متعلق تصدیق کی ہے۔ واضح رہے کہ افغانستان اور بھارت کے بڑھتے ہوئے غیر معمولی تعاون پر پاکستان متعدد مرتبہ اپنے تحفظات کا اظہار کر چکا ہے۔
