اسلام آباد (مانیٹرنگ ڈیسک) عمران خان کی سابق اہلیہ جمائمہ خان کو گندے مسیج کرنے والے شخص کو گرفتار کر لیاگیا ہے، تفصیلات کے مطابق عمران خان کی سابق اہلیہ جمائما خان کو ہراساں کرنے اور نازیبا پیغامات بھیجنے والے 27 سالہ حسن محمود نے اپنے جرم کا اعتراف کر لیا ہے۔ ایک نجی ٹی وی چینل کے مطابق عمران خان کی سابق اہلیہ جمائما خان کو 27 سالہ حسن محمود ایک سال سے فون کالز اور پیغامات بھیجتا رہا ہے۔ واضح رہے کہ حسن محمود نے جمائما خان کو 1182بار فون کالز کیں اور203 پیغامات بھیجے تھے۔ حسن محمود

18 مختلف نمبروں سے جمائما خان کو فون کرکے ہراساں کرتا رہا، اپنے پیغامات میں وہ جمائما خان سے دوستی کے لیے اپیل کرتا رہا لیکن جمائما نے تنگ آ کر آخر کار پولیس کو اطلاع کرکے اسے گرفتار کرا دیا۔ واضح رہے کہ یہ 27 سالہ شخص ٹیکسی ڈرائیور ہے ، ٹیکسی ڈرائیور نے پولیس کو دیے گئے بیان میں جمائما خان کو ہراساں کرنے کا اعتراف کرتے ہوئے کہا کہ جمائماخان جب سے میری ٹیکسی میں بیٹھی ہیں تب سے میں ان کا گرویدہ ہو گیا ہوں۔ اس ٹیکسی ڈرائیور کے خلاف آئزل ورتھ کراؤن عدالت میں مقدمے کی سماعت ہو رہی ہے۔