اسلام آباد (مانیٹرنگ ڈیسک) فیس بک کے بانی مارک زکر برگ کی اہلیہ پیریسلا چین کے ہاں دوسری بیٹی کی پیدائش، 28اگست کو پیدا ہونیوالی بیٹی کا نام اگست رکھ دیا۔ تفصیلات کے مطابق فیس کے بانی مارک زکر برگ کی اہلیہ پیریسلا چین کے ہاں دوسری بیٹی کی پیدائش ہوئی ہے۔ بیٹی کی پیدائش پر مارک زکر برگ نے مداحوں کو ملنے والی اس خوشخبری
کی اطلاع دیتے ہوئے نوزائیدہ بیٹی کے نام خط بھی لکھا ہے۔ اپنی پوسٹ میں فیس بک بانی کا کہنا تھا کہ انہوں نے 28اگست کو پیدا ہونیوالی اپنی نوزائیدہ بیٹی کا نام اگست رکھ دیا ہے۔ اس سے قبل مارک زکر برگ کی اہلیہ کے ہاں 2دسمبر 2015کو پہلی بیٹی کی پیدائش ہوئی تھی اور اس موقع پر فیس بک بانی نے 45ارب ڈالر کی خطر رقم عطیہ کی تھی۔
