مکہ مکرمہ (آئی این پی ) ارجنٹائن کا عازم حج مکہ مکرمہ پہنچنے پر خوشی کے مارے زارو قطار رونے لگا۔ تفصیلات کے مطابق ارجنٹائن کے رکن پارلیمنٹ روبن خطیب امسال خادم حرمین شریفین شاہ سلمان بن عبدالعزیز کی ضیافت میں حج کا فریضہ ادا کررہے ہیں۔
انہوں نے بتایا کہ جب ارجنٹائن کے اسلامک سینٹر کے سربراہ نے انہیں یہ اطلاع دی کہ امسال وہ شاہ سلمان کی ضیافت میں حج کرینگے تو میری خوشی کی انتہا نہ رہی۔ میری آرزو تھی کہ حج کروں مگر اس شان سے حج ہوگا یہ تو میں نے سوچا ہی نہیں تھا۔ الخطیب نے توجہ دلائی کہ لاطینی امریکہ کے ملکوں میں اسلام کا تحفظ بڑا مشکل مسئلہ ہے۔
