لاہور(این این آئی) پاکستان اور افغانستان کرکٹ بورڈ میں ڈیڈلاک برقرار ، پی سی بی نے افغان کرکٹ لیگ کیلئے سینٹرل کنٹریکٹ سمیت کسی کھلاڑی کو این اوسی جاری نہ کرنے کا فیصلہ کرلیا۔پی سی بی ذرائع کے مطابق شپگیزا کرکٹ لیگ کیلئے سینٹرل کنٹریکٹ سمیت کسی کھلاڑی کو این اوسی جاری نہیں کیا جائے گا۔ افغان لیگ کیلئے پاکستانی کرکٹرز کو این او سی جاری نہ کرنے کی پالیسی میں کوئی تبدیلی نہیں کی جا رہی ۔

یادرہے کہ سابق چےئرمین پاکستان کرکٹ بورڈ شہریارخان کے دور میں افغان بورڈ کے ساتھ کشیدہ تعلقات کی وجہ سے کرکٹرز کو این او سی جاری نہ کرنے کا فیصلہ کیا گیا تھا۔ دورہ پاکستان کیلئے ورلڈ الیون کرکٹ ٹیم میں بھی کوئی افغانی کرکٹر شامل نہیں کیا گیا۔ افغان لیگ اگلے ماہ کابل سمیت مختلف شہروں میں کھیلی جا ئے گی۔