میڈرڈ(مانیٹرنگ ڈیسک) زمانہ قدیم میں بادشاہوں کے حرم میں درجنوں بیویاں اور کئی ہزار لونڈیاں ہوا کرتی تھیں مگر آپ یہ جان کر حیران رہ جائیں گے کہ موجودہ دور میں ایک ایسا بادشاہ بھی ہے جس کی 5ہزار محبوبائیں تھیں۔ سپین کا بادشاہ ہوان کارلوس ہے جس نے ضعیف العمری کے باعث 2014ءمیں ہی سبکدوش ہو کر اقتدار اپنے بیٹے فلپ ششم کے حوالے کیا ہے۔رپورٹ کے مطابق فلپ ششم ان دنوں برطانیہ کے پہلے سرکاری دورے پر ہیں۔ ایسے میں برطانیہ میں شائع ہونے والی ایک کتاب میں

انکشاف کیا گیا ہے کہ ان کے والد ہوان کارلوس کی 5ہزار محبوبائیں تھیں اور انہوں نے لیڈی ڈیانا کو بھی محبت کے جال میں پھنسانے کی کوشش کی تھی۔کتاب کے مطابق صرف 6ماہ کے دورانیے میں ہوان کارلوس نے 62خواتین کے ساتھ تعلق استوار کیے۔ اس کی جنسی زندگی 1976ءسے 1994ءتک بہت زیادہ متحرک رہی اور اس عرصے میں اس نے 2ہزار 154خواتین کے ساتھ تعلق استوار کیا۔حتیٰ کہ ضعیف العمری میںاپنی عمر کے 67سے 76سالوں کے درمیان اس نے 191مختلف خواتین سے تعلق استوار کیا۔