نئی دہلی (آئی این پی) بھارت کی جنونی فوج کے اندر جنونی فوجیوں میں خودکشی اور ساتھیوں کو قتل کرنے کے واقعات میں اضافہ ہوتا جارہا ہے‘ ہر سال 15لاکھ بھارتی فوج میں سے 100بھارتی فوجی اپنی جان سے ہاتھ دھو بیٹھتے ہیں‘ صرف رواں سال ایسے 44 واقعات سامنے آئے ہیں۔ بھارتی وزارت دفاع نے پارلیمان کو بتایا کہ

2014 سے اب تک 9افسروں اور 19 جونیئر کمیشنڈ افسران سمیت 310 فوجیوں نے خودکشیاں کیں جبکہ اس عرصے کے دوران ساتھی فوجیوں کو قتل کرنے کے 11 واقعات سامنے آئے۔ بھارتی وزیر مملکت دفاع سبھاش بھمرے نے راجیا سبھا کو تحریری جواب میں بتایا کہ 2014 میں 84‘ 2015 میں 78 اور 2016 میں 104 فوجیوں نے خودکشی کی۔