میونخ (این این آئی) پاناما پیپرز لیک کرنے والے جرمن صحافی فریڈرک اوبر مائر نے کہا ہے کہ یہ ریکارڈ پر ہے کہ عمران خان نے آف شور کمپنیوں کے ذریعے ٹیکس کی رقم بچائی ہے۔میونخ میں جرمن اخبار کے صحافی فریڈرک اوبر مائر نے سماجی رابطے کی ویب سائٹ ٹوئیٹر پر عمران خان پر ٹیکس چوری کا الزام لگاتے ہوئے انہوں نے اپنے ایک ٹوئیٹ میں لکھا کہ عمران خان نے آف شور کمپنیاں قائم کرکے نہ صرف
پاکستان کو ٹیکس دینے سے گریز کیا، بلکہ برطانوی حکومت کو بھی کوئی ٹیکس نہیں دیا۔اوبر مائر انٹرنیشنل کنسورشم آف انویسٹی گیٹو جرنلسٹ آئی سی آئی جے کے رکن ہیں اور صحافیوں کے اسی گروپ نے پاناما پیپرز لیک کرکے مختلف ممالک کے حکمرانوں کے ٹیکس چھپانے کے راز فاش کیے تھے۔ فریڈرک نے آئی سی آئی جے کا ٹوئیٹ ری ٹویٹ کیا اور کہا کہ عمران خان کا ٹیکس دینے سے گریز کرنا ریکارڈ پر ہے۔
