بھونیشور (آئی این پی )بھارتی ریاست اڑیسہ میں بجلی گرنے سے11
افراد ہلاک اور8 زخمی ہوگئے ۔غیر ملکی میڈیا کے مطابق مشرقی بھارتی ریاست اڑیسہ میں بجلی گرنے سے 11 افراد ہلاک ہو گئے۔ ریاستی انتظامیہ کے عہدیدار راجیندر پانڈے نے بتایا ہے کہ اس حادثے میں 8 افراد زخمی بھی ہوئے ہیں ۔

پانڈے کا کہنا تھا کہ ہلاک شدہ افراد بجلی گرتے وقت چاول کے کھیتوں میں کام کر رہے تھے ۔ بھارت میں مون سون بارشوں کے باعث سینکڑوں افراد ہلاک ہو چکے ہیں جبکہ گجرات،آسام،اتر پردیش اور دیگر ریاستوں سے ہزاروں افراد کو محفوظ مقامات پر منتقل کر دیا گیا ہے۔