مقبوضہ بیت المقدس(آئی این پی )اسرائیلی فوج نے ایک اور فلسطینی نوجوان کو شہید کر دیا۔غیر ملکی میڈیا کے مطابق معصوم فلسطینیوں پر اسرائیلی فوج کے مظالم کا سلسلہ جاری ہے۔ ایک بار پھر فلسطینیوں کو مسجد اقصی جانے سے روک دیا گیا ہے جگہ جگہ رکاوٹوں کے باوجود
10 ہزار افراد نے بیت اللحم میں نماز جمعہ ادا کی۔ صیہونی فوج نے کئی مقامات پر فلسطینیوں کو نماز کی ادائیگی سے روکا، اس دوران جھڑپیں بھی ہوئیں۔ ادھر اسرائیل کی جانب سے قبلہ اول میں سیکیورٹی آلات کی تنصیب کو عرب لیگ نے مذہبی آزادی میں رکاوٹ قرار دیا ہے۔
