اسلام آباد (مانیٹرنگ ڈیسک) لندن میں تمام اثاثے ضبط، پاکستان کو واپسی، برطانیہ سے شریف فیملی کیلئے پریشانی کی سب سے بڑی خبر آ گئی، تفصیلات کے مطابق سپریم کورٹ کی جانب سے پاناما کیس میں میاں نواز شریف کو نااہل قرار دینے پر ٹرانسپیرنسی انٹرنیشنل نے برطانیہ میں شریف خاندان کے اثاثوں کی چھان بین اور انہیں پاکستان کو لوٹانے کا مطالبہ کر دیا ہے۔ ٹرانسپیرنسی انٹرنیشنل برطانیہ کے ڈائریکٹر آف پالیسی ڈنکن ہیمس نے سپریم کورٹ کے فیصلے کے بعدکہا کہ غیر ممالک سے لوٹی گئی دولت سے بنائے گئے برطانیہ میں اثاثوں کو ان
ممالک کے لوگوں کو واپس لوٹانے کے لیے فوری کارروائی کی جائے۔ انہوں نے کہا کہ جب تک برطانوی حکومت اس کام کے لیے ضروری اقدامات نہیں کرتی تب تک برطانیہ دنیا بھر سے لائی گئی ’’غلیظ آمدنی‘‘ جمع کرنے والوں کا محفوظ ٹھکانہ بنا رہے گا۔ لندن اینٹی کرپشن سمٹ 2016ء میں برطانوی حکومت نے کہا تھا کہ غیرملکی کمپنیوں کے اصل مالکان کا باقاعدہ اور قانونی ریکارڈ رکھا جائے گا اور اس مقصد کے لیے ایک سال میں ضروری قانون سازی بھی کر لی جائے گی مگر ابھی تک حکومتِ برطانیہ نے اس سلسلے میں کچھ بھی نہیں کیا۔
