نئی دہلی (مانیٹرنگ ڈیسک) ایک بھارتی خاتون نے دنیا میں بوئنگ 777 طیارہ اڑانے والی سب سے کم عمر خاتون پائلٹ کا اعزاز حاصل کرلیا۔ عینی دِویا نامی بھارتی خاتون نے صرف 30 سال کی عمر میں پائلٹ بننے کا ٹائٹل اپنے نام کیا۔بھارتی ریاست آندھرا پردیش میں وجایاواڈا

نامی شہر سے تعلق رکھنے والی دویا نے والدین کی سپورٹ کے ساتھ 17 سال کی عمر میں اندرا گاندھی راشٹریا اکیڈمی میں داخلہ لیا، جہاں انہوں نے بہت محنت کی اور سکالر شپ حاصل کر کے 19 سال کی عمر میں اپنی ٹریننگ ختم کرلی۔ ایئر انڈیا میں ملازمت کرتے ہوئے عینی دِویا نے سپین اور لندن میں بوئنگ 737 اڑانے کی تربیت لی جس کے بعد وہ دنیا کا سب سے بڑا ٹوئن جیٹ بوئنگ 777 اڑانے کے قابل ہوئیں۔ اس حوالے سے عینی دِویا نے بات کرتے ہوئے کہا کہ مجھے بوئنگ 737 پر کمانڈ حاصل ہوئی لیکن میں ہمیشہ سے بوئنگ 777 اڑانا چاہتی تھی، اس لیے مجھے کچھ اور وقت انتظار کرنا پڑا۔ ایئر انڈیا میں کام کرنے کے دوران انہوں نے بی ایس سی ایوی ایشن کی ڈگری حاصل کی اور اپنی تنخواہ سے بہن بھائیوں کی بیرون ملک تعلیم کا خرچہ اٹھانے کیساتھ ساتھ والدین کے لیے گھر بھی خریدا۔ عینی دِویا نے دوسری خواتین کو بھی حوصلہ دیا کہ وہ آگے بڑھیں اور وہ کریں جو وہ کرنا چاہتی ہیں، ان کا کہنا تھا کہ ہر خاتون کو اپنا خواب پورا کرنا چاہیے۔بھارتی خاتون نے دنیا میں بوئنگ 777 طیارہ اڑانے والی سب سے کم عمر خاتون پائلٹ کا اعزاز حاصل کرلیا۔ عینی دِویا نامی بھارتی خاتون نے صرف 30 سال کی عمر میں پائلٹ بننے کا ٹائٹل اپنے نام کیا۔

موضوعات:خاتون پائلٹ