اسلام آباد(مانیٹرنگ ڈیسک) پاکستانی مردوں سے شادی کرنے والی بھارتی خواتین بھارتی شہریت سے محروم کر دی گئیں۔ تفصیلات کے مطابق بھارتی اخبار ’’ٹائمز آف انڈیا‘‘کی ایک رپورٹ میں انکشاف کیا گیا ہے کہ پاکستانی مردوں سے شادی کرنے والی بھارتی خواتین جب رخصت ہو کر پاکستان آجاتی ہیں تو ان کی اپنے ملک بھارت کی شہریت منسوخ کر دی جاتی ہے جس کے باعث

انہیں شدید دشواریوں کا سامنا ہے۔ اخبار کے مطابق طلاق یا دیگر وجوہات کے سبب جب یہ خواتین واپس اپنے ملک لوٹتی ہیں تو شہریت ختم ہوجانے کے باعث انہیں سخت مشکلات کا سامنا ہوتا ہے۔ سرکاری اعدادوشمار کے مطابق بھارتی شہریت منسوخ ہو جانے والی 180میں سے صرف 70خواتین کی درخواستوں پر ہی عمل ہوا ہے جبکہ باقی خواتین تاحال شہریت سے محروم ہیں۔