بغداد(آئی این پی ) سعودی عرب نے داعش کے ہاتھوں تباہ ہونے والے شہروں کی تعمیر نو میں عراقی حکومت کی مدد کے بدلے عراق سے قطرکیساتھ بائیکاٹ کا مطالبہ کر دیا ۔خلیجی میڈیا نے انکشاف کیا ہے کہ سعودی عرب عراق پر قطر کا بائیکاٹ کرنے کے لیے دباو ڈال رہا ہے،
سعودی عرب داعش کے ہاتھوں تباہ شدہ شہروں کی تعمیر نو میں عراقی حکومت کی مدد کر رہا ہے اور بدلے میں عراقی وزیر اعظم حیدر العبادی پر زور دے رہا ہے کہ وہ بھی قطر کے بائیکاٹ میں شامل ہو۔ رپورٹ کے مطابق سعودی حکام نے عراقی وزیرا عظم کو دورے کی دعوت بھی دی ہے، جسے عراقی وزیر اعظم نے قبول کر لیا ہے تاہم عراقی حکام خلیجی بحران میں غیر جانبدار رہنے کا فیصلہ کر چکے ہیں۔
