بیجنگ(آئی این پی)چین اور بھارت مابین حالیہ کشیدگی میں اضافہ ہورہا ہے ، بھارت میں موجودہ چینی باشندوں کی سلامتی کو مدنظر رکھتے ہوئے نئی دہلی میں چینی ایمنسی نے اپنی ویب سائٹ پر سرکاری طور پر اعلان کیا ہے کہ بھارت میں موجود چینی عوام اپنی سرگرمیاں محدود رکھیں ،
بھارت کی اندرونی امن و امان کی دگرگوں صورتحال پر گہری نظر رکھیں ۔ معروف چینی روز نامہ ساؤتھ چائنا مارننگ کے مطابق بھارت میں موجود چینی حضرات امن ومان کی بھارتی قوانین کی پاسداری کریں اور بغیر اشد ضرورت سیروسیاحت سے گریز کریں ۔ اعلان میں چینی عوام کو تنبیہ کرتے ہوئے بتایا گیا ہے کہ مغربی بنگال میں بھارتی مسلمانوں اور ہندوؤں مابین فیس بک پر غیر شرعی وغیر اسلامی مواد نشر کرنے پر جس طرح کے ہنگامے پھوٹ پڑے ہیں ۔اسی طرح کا ردعمل بھارت میں موجود چینیوں کو بھی دیکھنا پڑ سکتا ہے ۔ بھارت اور چین میں بڑھتی کشیدگی کے پیش نظر چینی عوام کو اس اعلان پر عمل کرتے ہوئے خود کو محفوظ بنانا ہوگا ۔ یہ سرکاری اعلان گزشتہ روز نئی میں چینی سفارتخانے کی جانب سے اپنی ویب سائٹ پر کیا گیا ۔ تقریباً ایک لاکھ 70ہزار چینی ہر سال بھارت یاترا کرتے ہیں ۔ سفارتخانے کی جانب سے جاری یہ الرٹ ایک ماہ کی مدت کیلئے ہے ۔
