ماسکو(این این آئی)روس بھی سرحدوں سے باہر نکلنے کو تیار،اہم اسلامی ملک میں بڑی تعداد میں فوج تعینات کرنے کی تیاریاں،روس شام میں زیر غور غیر فوجی علاقوں میں فوری طور پر اپنے حفاظتی دستے تعینات کر سکتا ہے۔غیر ملکی میڈیا کے مطابق روسی مذاکرات کار الیگزینڈر لاورینتییف نے بتایا کہ اگر ایران اور ترکی کے ساتھ شام میں بفر زونز کے قیام کا کوئی معاہدہ طے پا جاتا ہے

تو روس دو سے تین ہفتوں کے اندر اندر ان علاقوں میں اپنے فوجی اور پولیس اہل کار تعینات کر سکتا ہے۔انہوں نے کہا کہ ماسکو، تہران اور انقرہ کے مابین اس سلسلے میں بات چیت ابھی جاری ہے۔روسی مذاکرات کار نے یہ بھی بتایا کہ اس مقصد کے لیے تینوں ممالک کے نمائندے قزاقستان کے دارالحکومت آستانہ میں کئی ملاقاتیں کر چکے ہیں۔