نئی دہلی(این این آئی)بھارتی وزیردفاع ارون جیٹلی نے کہا ہے کہ 1962 کے بھارت اور 2017 کے بھارت میں کافی فرق ہے۔بھارتی تی وی کے مطابق بھارتی وزیردفاع ارون جیٹلی نے یہ بات چین کے اس بیان کے ردعمل میں کہی جس میں چین نے کہا تھا کہ بھارت کو 1962 کی جنگ سے سبق لینا چاہیے۔

انہوں نے کہاکہ 1962 کے بھارت اور 2017 کے بھارت میں کافی فرق ہے،چین کسی بھول میں نہ رہے ہم ان کا ہر طرح سے مقابلہ کرنے کے لیے تیار ہیں،انہوں نے کہاکہ بھارت نے ہمیشہ صبروتحمل کا مظاہرہ کیا تاہم اب ہمارے صبر کا امتحان لیاگیا تو دشمن کے دانت کھٹے کردیں گے۔