دبئی(مانیٹرنگ ڈیسک) دبئی کے حکمران شیخ محمد بن المختوم نے قطرا ور دیگر عرب ممالک کی بڑھتی کشیدگی کے پیش نظر قطر کو راہ راست پر لانے کیلئے ایک نظم لکھی ڈالی ہے۔تفصیلات کے مطا بق دبئی کے حکمران شیخ محمد بن المختوم نے قطرکو خلیجی ممالک کے اتحاد میں واپسی کیلئے انسٹاگرام پر نظم لکھی ہے جس میں کہا گیا ہے کہ اب وقت ہے کہ بغیر کسی نفرت اور بغض کے اور ایک دوسرئے کی حفاظت کی خاطر ایک ہو جاؤ۔نظم میں اس بات پر زور دیا گیا ہے کہ متحدہ عرب امارات اپنے ہمسایہ ملک قطر کیلئے عظیم جذبہ رکھتا ہے کہ وہ سب ایک ہی قبیلے کی ایک ہی قوم ہیں۔

انھوں نے مزید لکھا کہ وہ قطر کو مشورہ دیتے ہیں کہ وہ خلیجی ممالک کے اتحادمیں شامل ہو جائے۔ ہم قطر کو یہ نصیحت کرتے رہیں گے کہ رسول اللہﷺ نے اپنی ایک حدیث میں فرمایا تھا کہ راہ بھٹکنے والی بھیڑ کو بھیڑیا کھا جاتا ہے۔اگر قطر عرب اتحاد میں رہتا ہے تو ہی بھیڑیوں کے گروہ سے بچ سکتا ہے ۔ نظم کیساتھ امیر دبئی شیخ محمد بن المختوم اور ابوظہبی کے ولی عہد شیخ زیدبن النہیان کی تصویر بھی لگائی گئی ہے اور نظم میں یہ بھی کہاہے کہ شیخ زید انکے بھائی ہیں اور وہ دونوں دل وجان سے ملک کی حفاظت کیلئے ایک دوسرے کیساتھ کھڑے ہیں۔انھوں نے مزید کہاکہ مذاکرات کے دروازے ہمیشہ کیلئے کھلے ہیں او ر جو بھی اختلافات ہوں ہم اپنے ہمسایہ کی حفاطت کریں گے ۔ انھوں نے اس بات پر زور دیا کہ اتحاد ہی خلیجی ممالک کی سلامتی اور استحکام کو سلامت رکھ سکتا ہے۔