پیرس(آئی این پی )پیرس ایئر شو میں چین کے اسٹیلتھ فائٹر طیارے کے چرچے پوری دنیا میں ہو رہے ہیں،چینی ڈرون بھی لوگوں کی توجہ کا مرکز رہا ، شاندار کرتب دیکھنے کیلئے فرانسیسی صدر ایمنل میکرون بھی ایئر شو میں پہنچ گئے ۔ تفصیلا ت کے مطابق چین کا تیار کردہ شنگیان جے13فائٹر طیارے نے پیرس ایئر شو میں دھوم مچا دی اور اس کے چرچے پوری دنیا میں ہونے لگے،
یہ طیارہ مشکل ترین موسم میں بھی پرواز کرنے کی صلاحیت رکھتا ہے ۔ ریڈار کے لئے بھی اس کی نشاندہی کرنا بہت مشکل ہے ۔ پیر س ایئر شو میں چینی ڈرون کے ساتھ دیگر طیارے بھی موجود ہیں لیکن چینی طیارہ اور ڈرون لوگوں کی توجہ کا مرکز ہیں ۔ طیارے کے شاندار کرتب دیکھنے کیلئے فرانسیسی صدر بھی ایئر شو میں پہنچ گئے ۔ یہ شو 24جون تک جاری رہے گا ۔
