سری نگر (مانیٹرنگ ڈیسک) آئی سی سی چیمپئنز ٹرافی کے سیمی فائنل میں پاکستان کی جیت کا جشن جہاں دنیا بھر میں منایا گیا وہیں مقبوضہ کشمیر کے بسنے والے بھی گرین شرٹس کی جیت پر خوشی کا اظہار کرنے میں کسی سے پیچھے نہ رہے۔سماجی رابطے کی ویب سائیٹ ٹوئیٹرپرحریت کانفرنس کے رہنمامیرواعظ عمرفاروق نے کہاکہ جب ہم اپنی تراویح ختم کررہے تھے توباہرپٹاخے چلنے کی آوازیں آرہی تھیں ۔
انہوں نے کہاکہ پاکستانی کرکٹ ٹیم نے انگلینڈکے خلاف بہترین کھیل کامظاہرہ کیا۔انہوں نے کہاکہ پاکستان فائنل میں بھی جیتے گا۔دوسری طرف پاکستانی دفترخارجہ کے ترجمان نفیس ذکریانے کہاہے کہ پاکستان کی فتح کا جشن منانے پرقابض افواج نے مقبوضہ کشمیر میں دکانوں کے تالے توڑ کر لوٹ مارکی۔ مقبوضہ کشمیرمیں بھارتی فوج نے رمضان المبارک کا بھی احترام نہیں کیا، پاکستان کی فتح کا جشن منانے پرقابض افواج نے مقبوضہ کشمیر میں دکانوں کے تالے توڑ کر لوٹ مارکی۔انہوں نے کہاکہ نماز جمعہ کے اوقات میں بھی مقبوضہ کشمیر میں مساجد کو بند کرکے کشمیریوں کو عبادت سے روک دیا گیاانہوں نے بتایا کہ پاکستان نے کشمیریوں کے حقوق کی پامالی کا معاملہ اقوام متحدہ میں بھی اٹھایا ہے۔پریس کانفرنس کے دوران ان کا کہنا تھا کہ اقوام متحدہ، عالمی برادری اور انسانی حقوق کی تنظیمیں مقبوضہ کشمیر میں انسانی حقوق کی خلاف ورزیوں پر تحفظات کا اظہار کرتی رہتی ہیں۔انہوں نے کہا کہ پاکستان ایک خود مختار ملک ہے اور کوئی بھی معاملہ عالمی عدالت انصاف میں لے کر جا سکتا ہے۔دفترخارجہ نے کہا کہ وزیر اعظم اور افغان صدرکے درمیان ایس سی او کی سائیڈ لائنز پر تعمیری ملاقات ہوئی، دونوں رہنماؤں نے کیو سی جی سے قیام امن کے قیام کی خواہش کا اظہارکیا بشرطیکہ دیگر ممالک اتفاق کریں، پاکستان اور افغانستان کو مل کر دہشت گردی اورداعش پر قابو پانا ہو گا لیکن پاکستان سنجیدگی سے افغانستان میں قیام امن کا خواہش مند ہے
