سان خوآن(آئی این پی)براعظم امریکہ کے کیریبین ملک پورٹو ریکو نے عوامی ریفرنڈم کے ذریعے امریکہ کی 51ویں ریاست بننے کا فیصلہ کرلیا۔غیر ملکی خبررساں ادارے کے مطابق پورٹو ریکو میں ہونے والے ایک عوامی ریفرنڈم میں رائے دہندگان نے اس ملک کو امریکا کی 51 ویں ریاست بنانے کی حمایت کر دی۔ 97.2 فیصد ووٹروں نے

اس ریفرنڈم کے حق میں ووٹ دیا۔ ملکی اپوزیشن جماعتوں نے اتوار 11 جون کو ہونے والے اس ریفرنڈم کے بائیکاٹ کا اعلان کر رکھا تھا۔ پورٹو ریکو میں ووٹ دینے کے اہل شہریوں کی تعداد 2.2 ملین ہے، جن میں سے صرف 23 فیصد نے اس ریفرنڈم میں اپنا حق رائے دہی استعمال کیا۔ اس ریفرنڈم کے نتائج پر عمل درآمد قانونا لازمی نہیں ہے۔