نئی دہلی(این این آئی) بھارت کی سیاسی جماعت کانگریس کے رہنما سندیپ ڈکشٹ اْس وقت تنازع کا شکار ہوگئے جب انھوں نے بھارتی آرمی چیف جنرل پبن روات پر تنقید کرتے ہوئے انھیں سڑک کا غنڈا کہہ ڈالا۔بھارتی ٹی وی کو انٹرویومیں انھوں نے کہاکہ یہ بہت برا محسوس ہوتا ہے جب ہمارے آرمی چیف سڑک کے غنڈے کی طرح بات کرتے ہیں۔انہوں نے کہاکہ ہمارے ملک کے آرمی چیف کو اس طرح کی بات چیت زیب نہیں دیتی،
یاد رہے کہ بھارتی آرمی چیف جنرل بپن روات نے حال ہی میں ایک انٹرویو کے دوران کہا تھا کہ مقبوضہ کشمیر میں مظاہرین اگر پتھر پھینکنے کے بجائے ہتھیاروں کا استعمال کرتے تو یہ مسلح افواج کے لیے آسان ہوتا۔انھوں نے کہاکہ میری خواہش ہے کہ یہ لوگ پتھراؤ کرنے کے بجائے ہم پر ہتھیاروں سے فائرنگ کریں، اس طرح مجھے خوشی ہوگی اور میں جو چاہوں گا وہ کرسکوں گا۔
