اسلام آباد (مانیٹرنگ ڈیسک) بھارت کی ریاست اتر پردیش میں مسافر بس اور ٹرک کے درمیان خوفناک تصادم، بس میں آگ لگ جانے کے باعث 22افراد زندہ جل گئے۔ بھارتی میڈیا رپورٹس کے مطابق بھارتی ریاست اترپردیش میں مسافر بس اور ٹرک کے درمیان خوفناک تصادم کے نتیجے میں بس میں آگ لگ جانے کے باعث 22مسافر زندہ جل گئےہیں۔ امدادی کارکنوں کے
مطابق حادثے کے نتیجے میں بس کے دروازے جام ہو گئے اور اس کے فیول ٹینک میں آگ بھڑک اٹھی تھی جس کے باعث اس پیمانے پر ہلاکتیں ہوئیں۔ بس میں آتشزدگی کے دوران چند مسافر شیشے توڑ کر باہر نکلنے میں کامیاب ہو گئے تھے۔ پولیس کے ذرائع کے مطابق بدقسمت بس کے اندر سے 22سوختہ لاشیں برآمد ہوئی ہیں جبکہ حادثے کی تحقیقات شروع کر دی گئی ہیں۔