واشنگٹن(آئی این پی)امریکی صدر ڈونلڈ ٹرمپ اور خاتون اول میلانیا کے غیرملکی دورے کا اختتام ہیپی اینڈنگ پر ہوا ، دونوں وطن واپس پہنچے تو ہاتھوں میں ہاتھ تھے ، موڈ بھی خوشگوار تھا ۔ امریکی صدر ڈونلڈ ٹرمپ اور میلانیا کے غیرملکی دورے کے دوران ان کے تعلقات کا میڈیا میں خوب چرچا رہا ۔ دونوں کا معاملہ اسرائیل پہنچنے پر بگڑا ، میلانیا اسرائیلی وزیر اعظم کی اہلیہ کو زیادہ لفٹ کرانے پر ٹرمپ سے خفا ہوئیں ۔
ائرپورٹ پر ٹرمپ کا ہاتھ جھٹکا ، روم پہنچنے پر بھی ان کی ناراضی برقرار رہی ۔ برسلز میں بھی خاتون اول ٹرمپ کے ساتھ ہونے کے باوجود بجھی بجھی نظر آئیں ۔ رومینٹک فلم کی طرح ٹرمپ اور میلانیا کے معاملے پر اختتام بھی ہیپی اینڈنگ پر ہوا ۔ دونوں وطن واپس پہنچے تو ہاتھوں میں ہاتھ تھامے ، موڈ بھی خوشگوار تھا جیسے کچھ ہوا ہی نہ ہو ۔جبکہ دونوں کاامریکہ میں واپسی پربھی ایک دوسرے سے رویہ مختلف تھا
