قاہرہ (آئی این پی)مصر کی ایئر فورس کے لڑاکا طیاروں کے لیبیا کی سرحد کے اندر واقع عسکریت پسندوں کے کیمپوں پر دوبارہ حملے ،ہلاکتو ں کا خدشہ ہے ۔غیر ملکی میڈیا کے مطابق مصر کی ایئر فورس کے لڑاکا طیاروں نے لیبیا کی سرحد کے اندر واقع عسکریت پسندوں کے کیمپوں کو ایک مرتبہ پھر نشانہ بنایا ہے یہ حملے جمعہ 26 مئی سے شروع ہیں۔ اسی دن المنیا شہر کے قریب جہادی تنظیم اسلامک اسٹیٹ کے مسلح
عسکریت پسندوں نے قبطی زائرین کی بس پر گولیاں برسائی تھیں اور اس حملے میں 29 افراد ہلاک ہو گئے تھے۔ مصری صدر عبدالفتاح السیسی نے اپنی ایئر فورس کو حکم دیا تھا کہ وہ ملکی سرحد کے پار لیبیائی سر زمین پر قائم شدت پسندوں کے کیمپوں کو نشانہ بنائے۔ السیسی کے مطابق قبطی مسیحیوں کی بس پر حملہ کرنے والے جہادی انہی کیمپوں سے تربیت حاصل کر کے حملہ آور ہوئے تھے۔
