زابل (مانیٹرنگ ڈیسک) طالبان نے افغانستان کے صوبے زابل میں پولیس پرحملہ کیاہے جس میں 10پولیس اہلکارہلاک جبکہ 10زخمی ہوگئے ہیں اوراس واقعے کے بعد علاقے کاکنڑول سیکیورٹی فورسزنے سنبھال لیاہے ۔غیر ملکی میڈیا کے مطابق افغان طالبان نے صوبے زابل میں حملہ کر کے 20 پولیس اہلکاروں کو ہلاک کر دیا ہے۔ طالبان نے یہ حملہ صوبے زابل کے شاہ جوئی ڈسٹرکٹ میں کیا۔ صوبائی گورنر بسمہ اللہ
افغانمل نے واقعے کی تصدیق کرتے ہوئے کہا ہے کہ طالبان کے حملے میں 20 پولیس اہلکار ہلاک جبکہ 10 زخمی ہوئے ہیں۔ زخمیوں میں سے بعض کی حالت تشویشناک ہے جس کے باعث ہلاکتوں میں اضافے کا خدشہ ہے۔ گورنر کے مطابق فائرنگ کے تبادلے میں طالبان کو بھی بھاری جانی نقصان پہنچاہے جبکہ فوج کی مزید نفری کوطلب کرلیاگیاہے ۔جبکہ طالبان کی طر ف سے اس کی تصدیق یاتردیدنہیں کی گئی ہے ۔
