ریاض(آئی این پی)امریکی صدر ڈونلڈ ٹرمپ کی سعودی عرب آمد پر تواضع روایتی سعودی قہوے سے کی گئی،سعودی شاہ سلمان نے امریکی صدر کو قہوہ پینے کا طریقہ بھی بتایا۔غیر ملکی میڈیا کے مطابق امریکی صدر ڈونلڈ ٹرمپ ریاض ایئرپورٹ پہنچے تو سب سے پہلے انہیں روایتی سعودی قہوہ پیش کیا گیا۔ سعودی

روایات کے مطابق مہمان کے کپ میں مسلسل قہوہ بھرا جاتا ہے، اگر مہمان مزید قہوہ نہ پینا چاہے تو اپنا کپ ہلاتا ہے یا اس پر ہاتھ رکھ دیتا ہے۔سعودی شاہ سلمان نے ٹرمپ کو کپ ہلا کر بتایا کہ اگر وہ مزید قہوہ نہ پینا چاہیں تو کپ کو ایسے ہلائیں مگر ٹرمپ کو شاید قہوہ بہت پسند آیا تھا، انہوں نے کپ ایک بار پھر بھروالیا ۔