ریاض(این این آئی)میلانیا ٹرمپ اور ایوانکا کا اسکارف نہ پہننا ۔۔۔! سعود ی عرب وزیر خارجہ نے حیران کن اعلان کردیا.سعودی وزیر خارجہ عادل بن احمد الجبیرنے کہاہے کہ دورہ سعودی عرب پر امریکی خاتون اول اور ان کی بیٹی کے لیے اسکارف پہننا ضروری نہیں۔غیرملکی خبررساں ادارے کے مطابق انہوں نے کہاکہ امریکی صدر ڈونلڈ ٹرمپ کے پہلے پانچ ملکی دورے میں ان کے ساتھ اہلیہ میلانیا، بیٹی ایوانکا
اورداماد جیرڈ کشنر بھی ان کے ساتھ ہوں گے۔امریکی صدر کی بیٹی ایوانکا اور داماد جیرڈ کشنر دونوں راسخ العقیدہ یہودی ہیںجبکہ سفر کرنے کے لیے انہوں نے باقاعدہ اپنے مذہبی پیشوا اور یہودی ربّی سے اسکی پیشگی اجازت بھی لے لی ہے۔ایوانکا سعودی عرب میں خواتین کی گول میز کانفرنس میں شریک ہوں گی جس کا موضوع خواتین کو درپیش معاشی مسائل کا حل ہوں گے۔
