اسلام آباد (مانیٹرنگ ڈیسک) سعودی حکومت کی جانب سے پاکستان کیلئے 150 ٹن کھجوروں کا تحفہ دیا گیا ہے۔ سعودی سفارتخانے میں ہونے والی تقریب میں سعودی عرب کے قائم مقام سفیر مروان بن رضوان اور پاکستان کے ایڈیشنل سیکرٹری سیفران طارق حیات نے شرکت کی۔
مروان بن رضوان نے کہا کہ سعودی عرب ہمیشہ پاکستانی بھائیوں کے شانہ بشانہ رہا ہے۔ سعودی عرب کی جانب سے بھجوائی گئی کھجوریں ضرورت مند پاکستانیوں میں تقسیم کی جائیں گی۔
