نئی دہلی (مانیـٹرنگ ڈیسک) بھارتی فوج نے پاکستانی سرحد کے قریب راجستھان کے علاقے میں بڑا فوجی آپریشن’’گرم ہوا‘‘شروع کر دیا۔ بھارتی میڈیا رپورٹس کے مطابق بھارتی فوج نے پاکستانی سرحد کے قریب راجستھان کے علاقے میں بڑا فوجی آپریشن ’’گرم ہوا‘‘شروع کر دیا ہے ۔ یہ آپریشن 15مئی سے 23مئی تک
جاری رہے گا۔ ڈی آئی جی بی ایس ایف روی گاندھی کا کہنا ہے کہ شدید گرمی اور لو کے موسم میں دراندازی کا خطرہ ہے اس لئے آپریشن شروع کیا گیا۔ واضح رہے کہ بھارت کے صوبے راجستھان کا بڑا علاقہ پاکستانی سرحد کے ساتھ متصل ہے اور اس سے قبل بھی بھارت پاکستان پردراندازی کا الزام لگاتا رہا ہے۔
