قطیف (این این آئی) سعودی عرب کے مشرقی شہر القطیف میں پولیس کی بکتر بند پر راکٹ سے حملے کے نتیجے میں ایک اہلکار جاں بحق ہوگیا۔سعودی وزارت داخلہ کی جانب سے جاری بیان میں بتایا گیا کہ دہشت گردوں نے پیر اور منگل کی درمیانی شب کے دوران ماسورہ کے علاقے میں پولیس بکتر بند گاڑی کو آر پی جی میزائیل سے نشانہ بنایا ۔واقعہ میں ایک اہلکار موقع پر جاں بحق
اور 5 افراد زخمی ہوئے ہیں۔سعودی وزارت داخلہ کے بیان میں کہا گیا کہ یہ حملہ گزشتہ دنوں تعمیراتی منصوبے پر دستی بموں اور فائرنگ حملے کا تسلسل نظر آتا ہے۔یاد رہے کہ گزشتہ دنوں قطیف میں دہشت گردوں کی فائرنگ سے ایک پاکستانی سمیت 2افراد جاں بحق ہو گئے تھے جبکہ اْس واقعے میں 2پاکستانیوں سمیت10 افراد زخمی ہوئے تھے۔
