قطیف(این این آئی) سعودی عرب کے شہر قطیف میں دہشت گردوں کی فائرنگ سے پاکستانی سمیت 2افراد جاں بحق اور2 پاکستانیوں سمیت10 افراد زخمی ہوگئے۔سعودی وزارت داخلہ کے مطابق دہشت گردوں نے ترقیاتی منصوبے پر کام کرنے والے افراد پر فائرنگ کردی جس سے 2سال سعودی بچہ اور موقع پر موجود ایک پاکستانی کارکن جاں بحق ہوگئے۔فائرنگ کے نتیجے میں10افراد زخمی ہوئے
جن میں سے 6سعودی شہری شامل ہیں۔زخمیوں میں سے ایک کی حالت نازک بتائی جاتی ہے،باقی چار زخمیوں میں 2پاکستانی، ایک سوڈانی اور ایک بھارتی شہری شامل ہیں۔فائرنگ کے نتیجے میں 4سیکیورٹی اہلکار بھی زخمی ہو گئے ٗسیکیورٹی فورسز کی کارروائی میں ایک مطلوب ملزم کے مارے جانے کی اطلاعات ہے تاہم اس کی تصدیق نہیں ہو سکی ۔
