سرینگر/نئی دہلی (آئی این پی)مقبوضہ کشمیر کے علاقے پلوامہ سے بھارتی فوج کے لیفٹیننٹ کی گولیاں لگی لاش برآمد کرلی گئی ۔بھارتی میڈیا کے مطابق مقبوضہ کشمیر کے علاقے پلوامہ،کلگام سے ایک بھارتی فوج کے لیفٹیننٹ عمر فیاض کی گولیوں سے چھلنی لاش برآمد ہوئی ہے ۔ بھارتی میڈیا کی جانب سے کہا جارہا ہے کہ اس کو گزشتہ روز اغواکیا گیا تھا اور عمر فیاض کو گولیاں مار کر قتل کیا گیا۔

مقبوضہ کشمیر پولیس کے مطابق سینئر افسر نے حال ہی میں بھارتی فوج میں شمولیت اختیار کی تھی اور وہ کسی خاندانی تقریب میں شرکت کے لئے جارہے تھے کہ راستے میں اغواکرلیا گیا ۔کلگام سے ایک بھارتی فوج کے لیفٹیننٹ عمر فیاض کی گولیوں سے چھلنی لاش برآمد ہوئی ہے ۔تاحال کسی بھی تنظیم نے قتل کی ذمہ داری قبول نہیں کی ہے جبکہ مقتول افسر کی لاش کو پوسٹمارٹم کے لئے ہسپتال منتقل کردیا گیا ۔

موضوعات:بھارتی فوجی افسر بھارتی میڈیا