بیجنگ(مانیٹرنگ ڈیسک) چین نے سی پیک پر بھارت کو متنبہ کرتے ہوئے کہا ہے بھارت مبالغہ آرائی سے باز رہے، بھارت کے چین کی فوجی ترقی کے بارے بھی خدشات بے بنیاد ہیں۔ایک امریکی اخبار میں شائع مضمون میں کہا گیا ہےکہ سی پیک کی بدولت ہی چین ایشیا اور یورپ میں منڈیوں تک رسائی کے مختلف ذرائع سڑک، ریل اور بندرگاہ جیسے منصوبوں کو مربوط کرنے کیلیے مسلسل کام کر رہا ہے،
مضمون میں کہا گیا ہے کہ چین پرامن اور ترقی پسند ملک ہے جبکہ خطے میںبالادستی حاصل کرنے سے متعلق اس سے متعلق خدشات بے بنیاد ہیں اور یہی باور کرانے کیلئے چین نے دفاعی بجٹ 2010 کے بعد اس مرتبہ سب سے کم رکھا ہے، بیجنگ کی فوجی ترقی اس کے قومی تعمیر پروگرام کا حصہ ہے جبکہ بھارت کو چینی دفاعی سرگرمیوں بارے خواہ مخواہ کے خدشات میں مبتلا نہیں ہونے چاہئیں۔
